Partizani u eliminua sot nga Liga e Kampioneve përballë BATE Borisov në një ndeshje të cilën të kuqtë e dominuan ndaj kundërshtarëve, përveç statistikës së shënimit të golave, që në fund sigurisht është me e rëndësishmja.

Sipas statistikave të “SOFASCORE”, të kuqtë kanë dominuar plotësisht, edhe pse luanin në transfertë, sa i përket mbajtjes së topit, duke regjistruar shifrën 68% në këtë duel.

Përtej kësaj, janë edhe 13 goditje drejt portës kundërshtare, por me saktësinë që linte për të dëshiruar pasi vetëm 3 të tilla gjetën kuadratin.

Dhe sidomos kjo është ajo që bëri diferencën dhe solli eliminimin, pasi kundërshtarët ia dolën të ishin rezultativë në 100% të gjuajtjeve të tyre në kuadrat, pasi nga ato erdhën golat e fitores 2-0.

Një situatë që padyshim duhet analizuar nga stafi i të kuqve, për të mos rrezikuar që të përballet përsëri me të njëjtin skenar, në Europë apo në kampionatin shqiptar.