Rruga e Partizanit drejt “Final 4” është shndërruar në një garë dramatike ku fati varet jo vetëm nga këmbët e lojtarëve të kuq, por edhe nga ecuria e Dinamo City.

Pas javës së 33-të, të dyja skuadrat ndajnë vendin e katërt dhe të pestë me nga 45 pikë secila, duke e bërë çdo sekondë të mbetur të kampionatit vendimtare.

Aktualisht, Dinamo City mban avantazhin e vendit të katërt për shkak të një golavarazhi më të mirë prej +9 krahasuar me -6 të Partizanit, por edhe me ndeshjet direkt, gjë që e detyron skuadrën e kuqe të kërkojë pikë maksimale në sfidat e mbetura.

Interesant eshte fakti se si Partizani dhe Dinamo do te luajne te njejtat skuadra ne javet e mbetura. Ky rivalitet i drejtpërdrejtë do të kulmojë në javën e fundit të kampionatit, e cila parashikohet të jetë një finale e mirëfilltë mes këtyre dy ekipeve nëse diferenca e pikëve mbetet e njëjtë.

Për të siguruar një vend në katërshen e parë, Partizani duhet të shmangë çdo hap fals përballë Flamurtarit dhe Egnatias përpara se të luajë ndeshjen deçizive kundër Dinamos.

Fitorja në përballjen direkte mbetet rruga më e sigurt për të arrritur ne Final 4, pasi suksesi në këtë takim mund të përmbysë renditjen nese diferenca ne pike eshte minimale.

Tabela e Renditjes (Zona “Final 4”)

Pozicioni	Ekipi	Pikë	Golavarazhi
4	FC Dinamo City	45	+9
5	FK Partizani	45	-6

Ndeshjet e mbetura për Partizanin

Partizani ka përpara tri sfida vendimtare që do të përcaktojnë fatin e sezonit të tyre:

• Java 34: Partizani vs. Flamurtari. Kjo ndeshje do të luhet në shtëpi dhe fitorja është e domosdoshme. Por nuk do te jete aspak e lehte ndaj një kundërshtari që po lufton për mbijetesë.
• Java 35: Egnatia vs. Partizani. Një transfertë delikate në Rrogozhinë kundër ekipit që tashmë e ka siguruar vendin në fazën finale. Egnatia do te luaj ne javen a 34-t kunder Dinamos.
• Java 36: Partizani vs. Dinamo City. Kjo do të jetë “finalja” e vërtetë qe me shume mundesi vendos se kush futet ne Final 4. Nëse diferenca e pikëve mbetet e njëjtë, ose diference eshte tre pike ose me pak, ky takim do të jetë ai që do të vendosë përfundimisht se kush do të kualifikohet në katërshen më të mirë.

Si i parashikoni keto tre ndeshje? Shkruani nje koment me poshte!