Që në verën e vitit 2021, kur në drejtimin e ekipit ishte Ilir Daja, Partizani nisi një cikël të ri, ku bazë e ekipit janë disa lojtarë të marrë në atë merkato. Pavarësisht se ai vit ishte i vështirë, më pas Partizani ka ardhur vetëm në ngjitje.

Sezonin e shkuar, dy vite pas “revolucionit”, Partizani u shpall kampion e më pas kërkoi rekordet në Europë, duke regjistruar katër fitore rresht, rekord historik, dhe shkuar deri në “play off”-in e Ligës së Konferencës. Më pas u fitua dhe Superkupa dhe tashmë e shohin vetën në një vit të ri, me një trajner të ri.

Oreksi vjen gjithnjë duke u shtuar dhe në këtë edicion të ri të kuqtë do të kërkojnë të “thyejnë” disa tabu.

Mbrojtja e titullit

E para do të jetë që të fitojë dy herë radhazi titullin kampion. Në këto vite të fundit trofeu ka shëtitur në ekipe të ndryshme, më së shumti në kryeqytet.

Partizani u shpall kampion vitin e kaluar dhe eshte ende ne gare per te fituar titullin kete sezon. Pas nje fillimi te mire te sezonit, rezultatet e javeve te fundit e shikojne Partizanin ne vendin e dyte.

Faza e grupeve

Përveç kësaj, objektivi tjetër madhor do të jetë kalimi në grupet e një kompeticioni europian.

Të kuqtë këmbëngulën në verë për këtë sukses, por nuk ia dolën në dy duele tejet të ethshme ndaj kazakëve të Astanës.

Kupa e Shqiperise

Përveç kësaj, Shehi dhe “demat” e tij do të kërkojnë edhe Kupën e Shqipërisë, një trofe, të cilin nuk e njohin prej 20 vitesh, që nga viti 2004. Para janë tre “tabu”, që nëse “thyhen” do të kurorëzonin një tjetër vit të artë për kampionët në fuqi.