Vajzat e skuadrës së volejbollit mund të bëhen skuadra e parë e familjes sportive Partizani që të fitojë titullin e kampionit kombëtar për sezonin 2022-23 nëse arrijnë të shënojnë fitore të premten në pallatin e sporteve “Asllan Rusi” përballë korçareve të Skenderbeut, në ndeshjen e pestë dhe e fundit e serisë së finaleve të kampionatit kombëtar të volejbollit në konkurrencën e femrave.

Pritet që një numër i madh i sportdashësve të kuq të jenë pranishëm nga ora 18:30 në “Asllan Rusi”. Ndërsa sportdashësit që nuk kanë mundësi të jenë në ndeshje do të mund ta shohin atë drejtpërdrejt në RTSH Sport.

4 duelet e para mes skuadrave finaliste kanë përfunduar në barazim 2-2 dhe finalja e pestë që do të luhet ditën e nesërme do të vendosë edhe fituesin e kampionatit.