Ekipi i meshkujve të Partizanit në volejboll do të përballet me skuadrën e Vllaznisë së Shkodrës për ndeshjet gjysmëfinale të Kampionatit Kombëtar.

Ndeshja e parë gjysmëfinale do të zhvillohet në “Asllan Rusi”, ndërsa datat e takimeve mbeten akoma për t’u përcaktuar nga ana e FSHV.

Të kuqtë e drejtuar nga i mirënjohuri Ylli Tomorri konsiderohen favorit absolut në luftën për mbrojtjen e titullit kampion, trofeut më të rëndësishëm të volejbollit të meshkujve.

Partizani e ka mbyllur pjesën e rregullt të kampionatit si kryesues me 13 fitore në 14 ndeshje, ndërsa ka triumfuar në të dyja ndeshjet përballë Vllaznisë.