Partizani ka hedhur sot një tjetër hap të rëndësishëm në drejtim të realizimit të objektivit kryesor të sezonit, fitimin e titullit të 17-të në historinë e klubit.

Të besuarit e trajnerit Colella realizuan nga një gol në çdo pjesë, për të shënuar fitoren e 14-të në këtë sezon të Superligës.

Fillimisht realizoi Mba në minutën e 11′, ndërsa Hoti realizoi golin e qetësisë në minutën e 84′.

Me këtë fitore Partizani shkon në kuotën e 47 pikëve në vendin e parë dhe pret i qetë ndeshjen e Tiranës nesër ndaj Erzenit.