Sulmi është reparti ku Partizani do të përqendrohet më së shumti për të forcuar skuadrën, duke u nisur nga fakti që në këtë repart nuk kanë shumë opsione dhe në rast se mungon qoftë edhe një lojtar, hapet një “gropë” e madhe.
Largimi i Cvetanoskit uli numrin e opsioneve për Kolelën, që herë pas here i është dashur të eksperimentojë. Cinari eshte perfolur si nje mundesi disa dite me pare, e tani ka dale emri i Eros Grezdës, ish-sulmuesit të Kombëtares, i shumëshëtitur në disa klube me emër jashtë vendit.
Në verën e shkuar, pasi kaloi dëmtimin e rëndë në gju, Grezda firmosi me ekipin e Manisës në ligën e dytë për nga rëndësia në Turqi, opsion, të cilin e pa si një mundësi të artë për t’u ringritur në arenën e madhe të futbollit.
Gjithsesi, duket se në skuadrën e re ai nuk ka gjetur hapësira dhe ambientin e duhur për të arritur synimin e tij. Ish-sulmuesi i Reinxhers në Skoci ka luajtur në vetëm 10 ndeshje deri më tani, duke grumbulluar vetëm 231 minuta, pa arritur të shënojë apo asistojë.
Aktivizimi i paktë e bën gjakovarin të mendojë largimin nga Manisa dhe të shohë për një tjetër ekip, ku të ndihet më i rëndësishëm dhe të luajë rregullisht.
Këtë mundësi është gati, t’ia dhurojë Partizani. Përfaqësues të klubit të kuq e kanë kontaktuar zyrtarisht Grezdën, duke i prezantuar projektin e trajnerit mbi të dhe i bërë një ofertë zyrtare, shifrat e së cilës nuk bëhen ende të ditura.
Sulmuesi i djathtë ka mirëpritur propozimin e Partizanit, duke lënë gjithçka të hapur, por ka zgjedhur të mos kthejë një përgjigje, deri në momentin ë ende nuk është ndarë zyrtarisht me klubin aktual.
Paga e Grezdës është gjithashtu një ngërç mes palëve, pasi 27- vjeçari qëndron në një stad tjetër në krahasim me pagat e lojtarëve aktualë te të kuqtë.
Gjithsesi, në raste të tilla, e shkuara ka treguar se të kuqtë janë në gjendje të afrojnë lojtarë të një standardi të tillë, me Grezdën, që gjithashtu duhet të pranojë një ulje nga ana e tij.
Eros Grezda
| Skeda personale | |||
|---|---|---|---|
| Emri | Eros Genc Grezda | ||
| Datelindja | 15 Prill 1995 (27 vjec) | ||
| Vendlindja | Gjakovë | ||
| Gjatesia | 1.80 m | ||
| Pozicioni | Mesfushor krahu, sulmues | ||
| Klubi aktual | |||
| Skuadra | Manisa | ||
| Numri | 18 | ||
| Karriera me te rinjte | |||
| 2004–2010 | Prishtina | ||
| 2010 | Rabotnički | ||
| 2010–2011 | Dinamo Zagreb | ||
| 2012–2013 | Grazer AK | ||
| 2013–2014 | Aluminij | ||
| Karriera | |||
| Sezoni | Skuadra | Nd. | (Gola) |
| 2013–2014 | Aluminij | 29 | (6) |
| 2015 | Zavrč | 11 | (0) |
| 2015–2017 | Lokomotiva | 59 | (14) |
| 2017–2018 | Osijek | 26 | (5) |
| 2018–2020 | Rangers | 17 | (2) |
| 2020–2022 | Osijek | 5 | (1) |
| 2021 | → Zalaegerszeg (huazim) | 4 | (1) |
| 2022 | Shibenik | 12 | (2) |
| 2022– | Manisa | 6 | (0) |
| Kombetarja | |||
| 2014–2016 | Shqiperia U21 | 2 | (0) |
| 2017– | Shqiperia | 13 | (1) |