Partizani e ka nisur më këmbë të mbarë aventurën në Kupën e Shqipërisë në volejboll për femra, teksa ka debutuar me fitore në shtëpi në takimin e parë për Grupin A.

Pasi e mbyllën fazën e parë të kampionatit me pikë të plota, shkëlqejnë tashmë edhe në Kupë, ndërsa nuk e kishin aspak të vështirë përballë një skuadre modeste si Korabi.

Partizanit i mjaftuan 1 orë e 4 minuta për t’i mbyllur llogaritë në shifrat 3-0 në sallën dytësore të “Asllan Rusit”. Në të tria setet diferencat ishin të mëdha, me Partizanin që fitoi përkatësisht 25-8, 25-10 dhe 25-12.