Engjëll Hoti është lojtari më i ri që i bashkohet skuadrës së Partizanit. Lajmin e ka bërë me dije vetë klubi i kuq me anë të një postimi në rrjetet sociale.

“FK Partizani me kënaqësi njofton arritjen e marrëveshjes me Engjëll Hotin. Fantazisti kosovar, ka firmosur sot me klubin një kontratë të vlefshme deri në vitin 2023 me opsion rinovimi edhe për një tjetër vit. 25 vjeçari i është bashkuar ekipit në prag të fazës përgatitore që do të zhvillohet në Slloveni.”