Përparim Daiu ka dhënë një intervistë për emisionin “Sport Magazine”, të transmetuar në “Ora News“ dhe të moderuar nga Drilon Xhepollari. Ish-futbollisti qe ka luajtur per disa vite te Partizani, analizon klubet e “Abissnet Superiores“, ku ndër të tjera ndalet padyshim edhe te derbi i rradhës.

“Akoma nuk është vonë”, tha ai për të kuqtë. “Kënaqësia e Partizanit nuk është vendi i 5-të. Një kënaqësi më e madhe është se vjen në derbin me Tiranën në një formë më të mirë, një entuziasëm në ekip. Por gjithmonë me këmbë në tokë dhe kjo përballje do tregojë shumë për ecurinë e Partizanit. Xhunior e ka provuar, Bitri e ka provuar, Hoxha e ka provuar fitoren ndaj Tiranës, sepse kanë vite te Partizani. Por jo të gjithë e kanë provuar këtë shije”.

“Derbi mbetet gjithmonë derbi”, tha me tej Daiu.