Partizani – Kukësi 5-0: Video, foto, dhe komenti i ndeshjes

Partizani dhe Kukësi luajnë sot një ndeshje shumë delikate mes tyre, ku alternativa e vetme është fitorja për objektivat që kanë në këtë edicion.

Të dy trajnerët kanë hedhur në fushë rreshtime shumë ofensive për këtë duel, duke i dhënë hapësirë shuëm futbollistëve me tipare sulmuese. Te Partizani luajnë njëkohësisht Kallaku, Mala, Zhunior, Cara dhe Skuka.

Partizani mori tre pikë tepër të rëndësishme pas fitores 5-0 kundër Kukësit në “Air Albania”. Ky ishte suksesi i parë sezonal i “Demave” kundër skuadrës së Diego Longos dhe më i thelli për vendasit në këtë kampionat. Shumë episode ndodhën në këtë përballje, që nga penalltia që zhbllokoi takimin e deri te goli i anuluar i Kukësit. Minutat e fundit të pjesës së parë ishin fatale për ekipin mik.

Sherif Kallaku ktheu në gol në minutën e 36-të një penallti të fituar nga Skuka, me këtë të fundit që dyfishoi pesë minuta më vonë. “Demat” e nisën shumë mirë edhe pjesën e dytë. Vetëm 28 sekonda kishin kaluar kur Stenio Junior realizoi një super gol, që solli edhe çlirimin e trajnerit Dritan Mehmeti.

Kukësi reagoi, Bruno Lulaj përfitoi nga një dalje e pasigurt e Alban Hoxhës dhe dërgoi topin në rrjetë, por teknologjia VAR anuloi golin e ekipit verilindor. Djemtë e Longos tentuan golin e nderit, por Partizani e goditi dy herë të tjera në minutat e fundit. Griseld Lika dhe Herald Marku (supergol) vulosën triumfin me “manita” të Partizanit, që e shkurton në 5 pikë diferencën me Kukësin e vendit të tretë dhe shkon me moral të lartë në derbin e rradhës.

Formacioni

Partizani: Hoxha, A. Marku, Belica, Bitri, Sota, Rrapaj, Kallaku, Mala, Zhunior, Cara, Skuka.
Trajner: D. Mehmeti

Minutat

90’+4′ ⚽ (5-0) Herald Marku realizon një perlë nga goditja e dënimit, duke e dërguar topin në trekëndëshin e Tafas!
89′ ⚽ (4-0) U fut nga stoli, Gresild Lika gjen rrugën e rrjetës duke kompletuar “pokerin”. Mesfushori i “Demave të Kuq”, shpërthen në festë duke hequr edhe fanellën.
84′ 🔁 Zëvendësim te Partizani, largohet Mala, vendin e tij e merr Lika.
83′ Portieri Tafas i mohon golin e katër Partizanit. Mala shkëputet bukur nga e majta, futet brenda zonës dhe provon të shënojë i vetem perballe tij, por arrin.
79′ 🔁 Zëvendësimi i rradhes per Partizanin, largohet Rrapaj në lojë Magent.
69′ Arinaldo Rrapajn shkon shumë pranë golit të katërt, por gjuajtja e mesfushorit brenda zonës shkon jashtë kuadratit.
67′ 🔁 Partizani kryen 2 zëvendësime, largohen Skuka dhe Cara në lojë Herald Marku dhe Milosavljev.
56′ Lulaj gjen rrugën e rrjetës, mbrojtësi përfiton nga një hezitim i portierit Alban Hoxha, duke mos falur brenda zonës, por goli anulohet nga VAR-i për pozicion jashtë loje.
56′ 🟨 Matondo ndëshkohet me karton të verdhë në ndeshjen debutuese me Partizanin.
51′ 🟨 Belica është i ndëshkuari i parë i Partizanit me karton të verdhë për ndërhyrje të gabuar ndaj De Lukasit.
46′ ⚽ (3-0) Eurogol nga Junio me nje gjujatje nga jashte zone qe shtang portierin.
46′ 🔁 Pjesa e dytë nis me zëvendësim te Partizani, largohet Kallaku, vendin e tij e merr Matondo.
45’+4′ Mbyllet pjesa e pare me avantazh 2-0.
40′ ⚽ (2-0) Shënojnë sërish “demat” me anë të Skukës. Me një nuhatje prej bomberi të vërtetë, sulmuesi nuk fal me të majtën brenda zonës.
36′ ⚽ (1-0) Sherif Kallaku e bën sefte me Partizanin, duke shënuar nga pika e bardhë e penalltisë. Një penallti “alla Zhorzhinjo”.
33′ 🟨 De Lukas ndëshkohet me karton të verdhë.
33′ Skuka rrëzohet brenda zonës pas duelit me Hilën, gjyqtari Erion Bastari akordon penallti për Partizanin. Vendimi konfirmohet edhe pas konsultës me VAR-in. Nuk janë dakord kuksianët për këtë vendim.
31′ Rast i miqve, rrezik ne porten tone.
25′ Kallaku pason te Arinaldo Rrapaj që tenton të realizojë një supergol nga jashtë zonës, gjuajtja e tij shkon ngjitur me shtyllën e portierit Tafas.
21′ Rrezikon Kukesi me nje gjuajtje nga larg, devijon ne korne Alban Hoxha.
20′ Me mire Partizani tani duke avancuar me loje.
15′ Junior gjuan me kokë, por shkon drejt e në duart e portierit Tafas.
09′ Skuka jep shkendijat e para. Niset bukur, shmang portierin Tafas që ndërhyn në mënyrë të gabuar, por gjyqtari anësor sinjalizon pozicion jashtë loje. Shpëton skuadra e Kukësit.
05′ Luajne me mire miqte ne minutat e para por akoma nuk eshte rrezikuar asnjera nga portat
01′ Nis ndeshja në “Air Albania”