Partizani ne basketboll per femra ka humbur sot ne “Asllan Rusi” kunder Prishtines me rezultatin 77:94 (17:24, 17:28, 20:17, 23:25), në xhiron e nëntë të Ligës Unike të femrave.

Prishtinaset e nisën ndeshjen më mirë, duke pasur epërsi konstante dhe e menaxhuan lojën më mirë në çerekun e parë, duke e fituar këtë pjesë 17:24. Epërsia e miqve u rrit në 12 pikë, 17:29, e më pas Partizani rrit nivelin e lojës. Por mysafiret shkëputen ne fund te periodet se dyte dhe shkuan në pushim me shifrat 34:52.

Epërsia e skuadrës prishtinase u rrit në 20 pikë, 38:58, dhe loja u kontrollua nga mysafiret, ndërsa rezultati në semafor pas 30 minutash ishte 54:69. Në dhjetë minutat e fundit prishtinaset menaxhuan mirë epërsinë dhe fituan në fund me rezultat 77:94.

Te Partizani u dalluan Aida Palko me 28 pikë e 15 kërcime dhe Ornela Lalaj me 21 pikë e 15 kërcime. Partizani ka dy fitore e shtatë humbje, kurse Prishtina ka pesë fitore e tri humbje.

Statistikat e ndeshjes