Caktohet axhenda për javën e 23-të, luhet në mesjavë

Kalendari per javen e 23-të e Kategorisë Superiore eshte publikuar dhe ndeshjet do te luhen ne dy ditë, të mërkurën dhe të enjten.

Keto ndeshje janë planifikuar që të luhen gjatë mesjavës, sipas programit të FSHF-së, një rastësi e çuditshme pasi ka të tilla edhe në datën ku në teori duhej të zhvilloheshin zgjedhjet e këtij institucioni.

Kalendari që ka planifikuar FSHF sheh që në datën 2 mars, kur në teori duhej të zgjidhej presidenti i ri dhe Komiteti Ekzekutiv i saj, të luhen dy nga këto ndeshje. Gjykata ka vendosur që Asambleja të mos zhvillohet derisa të sqarohet çështja e Shoqatave Rajonale, ndaj parashikohet që kalendari të mos ndryshojë dhe të vijohet me zhvillimin e këtyre ndeshjeve.

Të mërkurën do të luhet në “Air Albania” dueli mes Partizanit dhe Kukësit. Kjo ndeshje do te nise ne oren 16:45. Ndersa do te zhvillohet edhe nje ndeshje tjeter ne te njejten ore, dhe tre te tjerat nje dite me pas.