Partizani pas humbjes në Laç do të vazhdoj që të ketë edhe mungesën e dy mesfushorëve në sfidën me Flamurtarin të cilën do ta zhvillojë ditën e shtunë në “Selman Stërmasi”.

Nga sa bëhet e ditur, Ardit Hila dhe Alesio Hyseni duket se do të mungojnë edhe në sfidën e radhës në shtëpi ndaj kuqezinjve.

Megjithatë, trajneri Skënder Gega ka një kontigjent edhe më të pasur duke pasur parasysh afrimet e janarit dhe jo vetëm. Të kuqtë do të synojnë që të rikthehen te fitorja ndaj kuqezinjve vlonjatë dhe të ruajnë kreun e renditjes.

Partizani, aktualisht ka një diferencë prej shtatë pikësh në tabelën e renditjes nga skuadra e Teutës që është në vendin e dytë.