Tifozët e Partizanit kanë marrë një lajm fantastik në prag të ndeshjes ndaj Laçit që do të zhvillohet ditën e diel në orën 14:00. Klubi kurbinas ka vendosur t’iu japë më shumë bileta se ju takon tifozëve të kuq, duke iu lënë në dispozicion të gjithë sektorin mbrapa portës.

Lajmi është konfirmuar nga tifogrupi “Utras Guerrils” nëpërmjet një postimi në faqen e “Facebook”-ut. Kujtojmë që në bazë të rregullores, duke iu referuar kapacitetit të stadiumit, tifozëve miq iu takojnë 5%, pra rreth 150 bileta.