Historia e skuadrës së futbollit “Partizani” e ka fillimin fill pas Çlirimit të vendit. Bazë për krijmin e saj ishin të rinjtë partizanë të divizioneve, të brigatave të ushtrisë nacionalçlirimtare. Në vitet e para shkolla “Skenderbej” dhe “Shkolla e Bashkuar e Oficerave” si dhe futbollistë të skuadrave të tjera do të ishin furnizuesit kryesor të saj. Në kampionatin e parë të kategorisë së parë të pasluftës, në vitin 1945 do të merrnin pjesë dy divizione të ushtrisë njëra në qendër në Shkodër “Ylli” dhe tjetra me qendër në Korçë “Liria”. Këto dy skuadra ushtarake do të merrnin pjesë vetëm në kampionatin e parë, pasi në vitin 1946 dy skuadrat e mësipërme me futbollistët më të mirë krijuan bërthamën e ekipit kryesor të skuadrës ushtarake e cila mori emrin “Ushtria” . Më 13 janar 1946 ekipi zhvilloi takimin e parë miqësor ndaj kampiones së vendit të vitit 1945 “Vllaznia”. Ndeshja u zhvillua në Tiranë. Në një shi të dendur dhe që u mbyll me rezultatin 0-0. Skuadra ushtarake dallohej nga inicialet e gërmave që ishin vendosur në gjoksin secilit futbollist.
Formacioni i parë historik i saj në këtë takim ishte: Bonati, Luga, Tepelia, Demneri, Fagu, Rexhepi, L.Hoxha, Teliti, Kavaja, Bakalli, Bylyku. Ndërsa në 7 prill 1946 skuadra e cila kishte luajtur nën emrin “Ushtria” , në këtë takim kundër “17 Nentorit” të Tiranës, për herë të parë në bluzat e tyre ishte shkruajtur “Partizani”. Takimin e fitoi ekipi i “Partizanit” me rezultatin 2-0. Shënuesit ishin futbollistet: O.Pengili dhe Q.Teliti.
Formacioni që luajti për fanellat e kuqe: Çobani, Tepeli, Dibra, Fagu, Kavaja, Pengili, Hoxha, Sakiqi, Bylyku, Demneri. Në kampionatin kombëtar të kategorisë së parë të vitit 1946, skuadra ushtarake “Partizani” nuk ishte pjesëmarrëse. Por për të mos qëndruar pasive, skuadra ndërmorri një turne të gjatë në shumë qytete të Shqipërisë për konsolidimin e ekipit por dhe për të parë futbollistë cilësore të këtyre qyteteve. Zhvilloi 9 ndeshje miqësore, duke shënuar 26 gola e pësuar 9. Shënuesi më i mire ishte Qamil Teliti me 11 gola.
Ne vitin 1947 Partizani merr pjese per here te pare ne kampionat. Ne mars të 1947 vjen edhe ndeshja e parë derbi me rivalet e Tiranes, e cila u fitua nga Partizani me rezultatin 4-2. Në gusht të ketij viti shënohet edhe fitorja më e thellë e Partizanit ndaj Tiranës, me shifrat 8-0, statistikë që mbetet ende e pathyeshme edhe sot. Partizani për herë të parë shpallet kampion kombëtar ne kete sezon, titull që do ta mbronte dhe në kampionatet e viteve 1948 dhe1949. Partizani fitoi dhe 2 kupa Republike në vitet 1948 dhe 1949. Skuadrën e ka drejtuar traineri i shquar, Sllave Llambi që gjithashtu qe dhe futbollist i skuadrës.
Në 76 vjet me skuadrën, kanë dhënë kontributin e shquar qindra futbolliste. Skuadra e Partizanit për shumë vite jo vetem ka fituar tituj kampion dhe kupa republike, por ajo i ka paraprirë futbollit shqiptar. Janë shumë mjeshtra të merituar dhe dhjetra mjeshtra sporti që kanë dalë nga rradhët e skuadrës së Partizanit. Shume nga ish futbollistet e Partizanit kane veshur fanellat e ekipeve të huaja si në Itali, Gjermani, Rumani, Greqi, Turqi, Zvicer etj.
Panajot Pano, legjenda e skuadres se kuqe, eshte zgjedhur gjithashtu edhe Lojtari i Arte i Shqiperise (lexoni me shume ketu ne anglisht) ne listen e krijuar nga UEFA me rastin e 50-vjetorit te krijimit.
Përveçse ka qenë gjithmonë njëra nga skuadrat kryesore në Shqipëri, Partizani ka qenë dhe një nga skuadrat më të suksesshme edhe në arenën ndërkombëtare duke arritur disa rezultate historike dhe më kryesisht duke ngritur të vetmin trofe ndërkombetar në historinë e skuadrave shqiptare, Kupën e Ballkanit.
Historia e Partizanit ne Europe filloi ne 1962 kunder IFK Norrkoping ne Kupen e Kampioneve. Kjo ishte jo vetem pjesemarrja e pare e Partizanit, por edhe hera e pare per nje skuader shqiptare. Partizani beri nje paraqitje te mire ku barazoi 1-1 ne Tirane, pasi ishte mundur 2-0 ne ndeshjen e pare.
Përsa i përket disa nga rezultateve të arritura ne Europe gjate gjithe histoirse, ja vlen të përmenden disa prej tyre.
Në Kupen e Kampioneve Partizani – Austria Viena 1-0 në 1981, Partizani – Celtic 1-0 në 1979 dhe Partizani – FC Koln 0-0 në 1964. Në Kupën Intertoto kualifikimi për në raundin e dytë në 2003 pas një fitore ndaj Maccabi Netanya 2-0 në Tiranë. Në Kupën e Kupave Partizani – Feyenoord 0-0 në 1991, Partizani – Malmo 0-0 në 1980, Partizani – Atvidabergs 2-0 në 1970 si dhe Partizani – Torino 1-0 në 1968. Por më kryesorja ka qene fitorja e Kupës Ballkanike në vitin 1970 ndaj Beroe Stara Zagora.
Vitet e 1990 dhe 2000 Partizani nuk ka qenë në lartesinë e emrit që ka në futbollin shqiptar, gje qe ka ardhur dhe nga paqartesia ligjore per pronesine e skuadres. Pas rënies së komunizmit në Shqipëri, Partizani ka pasur më shume sukses në Kupen e Shqiperise sesa në Kampionat duke e fituar 4 herë në 1991, 1993, 1997 dhe 2004, kur kampionatin e ka fituar vetëm një herë në 1993.
Megjithate ne keto vite Partizani kishte serish disa nga emrat me te medhenj te futbollit shqiptar si Igli Tare dhe Erjon Bogdani. E per te vazhduar me tej ku mbrojtesi Amir Rrahmani pas dy sezonesh te Partizani vazhdon nje karriere super te suksesshme te Napoli e gjithashtu me kmbetaret e Shqiperise e me pas Kosoves.
Partizani ndryshe nga skuadrat e tjera ne vend, ka funksionuar si nje klub teresisht privat pasi shteti i mori fushat e stervitjes dhe Bashkia e Tiranes nuk i ofronte nje stadium per ndeshjet brenda ashtu sic u ofrohej te gjitha skuadrave te tjera.
Nga viti 1998, Partizani drejtohej nga presidenti Albert Xhani nën drejtimin e të cilit provoi edhe kategoritë inferior gjë të cilën askush se kishte menduar, as imagjinuar dikur. Por ja që realisht ka ndodhur. Madje dy herë që Partizani i madh të përfundojë deri të luajtjen në ligën më inferiore (kategoria e dytë). Edhe në këtë “garim” sigurisht krejt të pazakontë, nuk ka qenë ndoshta dhe aq e lehtë ngjitja, edhe pse është arritur që gjithcka të zgjidhet nga skuadra, falë autoritetit të madh të saj, që të mos zgjasë përvoja e “hidhur” më tepër se një sezon. “Dërmimi” nga duelet me ekipe krejt modeste ka patur pjesën e vet. Por megjithatë edhe këtu “krenaria” e Partizanit ka një tjetër “tematikë”. Shndrrimin në festa të bukura sportive nëpër qytete e vogla të vizitave (kupto ndeshjeve) që ka zhvilluar Partizani, të cilat natyrisht ngelen si “relike” për ekipet e rretheve të ndryshme. i cili fitoi Kategorine e dyte dhe e ngjiti menjehere Partizanin ne ate te paren.
Ne 8 vjet ne krye te Partizanit, Albert Xhani ka arritur te fitoje vetem nje Kupe te Shqiperise. Nen drejtimin e Albert Xhanit, u krijua Akademia Partizani, e pare e ketij lloji ne Shqiperi. Qe prej krijimit, kjo skuader ka nxjerre lojtare te shumte per skuadren e pare dhe disa prej tyre kane arritur dhe te luajne me skuadra europiane. Partizani ju afrua shume titullit ne sezonin 2007/08 ku skuadra e drejtuar nga Hasan Lika luftoi deri ne fund te kampionatit por nuk arriti te fitonte kunder Dinamos ne ndeshjen e fundit qe do ti jepte titullin. Partizani mori pjese ne Kupen UEFA ne vitin 2008 por u eleminua nga boshnjaket e Siroki Brijeg. Nga sezoni 2011 – 2014 Partizani ndryshon disa herë drejtimin e presidencës ku pasuesit e Albert Xhanit do të ishin në rolin e aksionerëve Paro Laçi e më pas Lulëzim Sallaku.
Ndërkohë sezoni 2013/14 përkon edhe me rikthimin e ekipit legjendar në elitën e futbollit shqiptar ku në drejtimin e Partizanit është biznesmeni i njohur Gazment Demi i cili është ligjërisht presidenti i Klubit me 100% pronesi te aksioneve. Sezoni i pare i rikthimit mund te quhet pjeserisht i suksesshem pasi skuadra eshte pothuajse gjithe sezonin ne tre vendet e para por ne dy javet e fundit bie ne vend te peste duke mos arritur te marre pjese ne Kupat e Europes. Per sezonin e ardhshem, ate 2014/15, skuadra ben shume ndryshime ne organike, si dhe emerohet si trajner ish lojtari i kuq Shpetim Duro. Ne keto dy sezone bie ne sy nje Partizani me nje perberje mbareshqiptare ku ka shume shqiptare nga Kosova e Maqedonia. Ne sezonin 2014/15 Partizani behet dhe skuadra me me shume lojtare te thirrur ne Kombetare, tre te tille.
Ne 2016 Partizani arrin dhe nje kualifikim historik ne Kupen e Kampioneve. Te kuqte e nisen aventuren Europiane ne Ligen e Europes kunder Slovan Bratislava ku barazoi ndeshjen e pare 0-0. Por me pas UEFA denon Skenderbeun dhe Partizani kalon ne Champions League ku perballet me Ferencvaros ne raundin e dyte. Te dyja ndeshjet mbyllen ne barazim 1-1 dhe te penalltite eshte Alban Hoxha heroi i ndeshjes qe ben pritje kyçe dhe shenon nje panenka.
Pas nje pritje te gjate, Partizani fiton perseri titullin kampion ne vitin 2019, kur skuadra drejtohej nga trajneri Skender Gega, nje ish-lojtar i Partizanit. Dhe historia nuk kishte si te shkruhej me bukur. Titulli blindohet tre jave para fundit te kampionatit me nje fitore 2-1 kunder Tiranes, me nje dopiete nga Çinari. Ky ishte titulli i pare ne Superlige nen drejtimin e Gaz Demit si president. Ai nisi gjithashtu ndertimin e Kompleksit Partizani.
Ndertimi i stadiumit te Partizanit vazhdoi per shume vite dhe pati vonesa sidomos gjate periudhes se Covid, por me ne fund skuadra debutoi ne shtepi me nje fitore 2-1 kunder Bylis ne 14 Nentor, 2022.
Nje ndeshje historike kjo per te kuqte e drejtuar nga italiani Giovanni Colella, kur te dy golat u shenuan nga Xhuliano Skuka.
Ky sezon rezultoi me fat per Partizani pasi fiton perseri titullin kampion duke luajtur ndeshjen finale te sezonit ne stadiumin e vet kunder Teutes. Golat nga Rrapaj dhe Cara vulozen fitoren 2-0 dhe Partizani merr vendin e pare, me pike te barabarta me Tiranen. Partizai ka ne favor rezultatet ne derbi dhe shpallet kampion.
Partizani B
Qe nga sezoni 2012/13 Partizani ka dhe nje ekip te dyte, Partizani B, qe ishte nje risi ne futbollin shqiptar. Fillimisht Partizani B militoi ne Kategorine e Trete dhe arriti menjehere te ngjitet ne Kategorine e Dyte. Ne fakt edhe me pare Partizani ka pasur nje ekip te dyte, ne fillim te viteve 2000, te quajtur FC Nacional. Skuadra e dyte perdoret per te aktivizuar lojtaret e rinj dhe ata qe nuk marrin shume minuta te skuadra e pare.
Partizani B arriti edhe te ngjitet ne Kategorine e Pare, qe eshte nje rekord per kete skuader.
Rekordet
Superliga – 17 here Kampion
Lojtaret e Partizanit me “Kepucen e Arte”
- 1947 – Hamdi Bakalli (7 gola)
- 1948 – Zihni Gjinali (11 gola)
- 1949 – Zihni Gjinali (13 gola)
- 1950 – Loro Borici (9 gola)
- 1951 – Refik Resmja (59 gola)
- 1952 – Refik Resmja (17 gola)
- 1953 – Refik Resmja (9 gola)
- 1954 – Refik Resmja (13 gola)
- 1955 – Refik Resmja (23 gola)
- 1956 – Refik Resmja (17 gola)
- 1959 – Refik Resmja, Panajot Pano (6 gola)
- 1961 – Panajot Pano (14 gola)
- 1961/62 – Panajot Pano (17 gola)
- 1962/63 – Robert Jashari (18 gola)
- 1963/64 – Robert Jashari (9 gola)
- 1964/65 – Robert Jashari (14 gola)
- 1970/71 – Panajot Pano (17 gola)
- 1977/78 – Agim Murati (13 gola)
- 1978/79 – Agim Murati (14 gola)
- 1992/93 – Edmond Dosti (21 gola)
- 2004/05 – Dorian Bylykbashi (24 gola)
Kupa e Shqiperise
- Fitues (15 herë):
- 1948 Partizani 5-2 Tirana
- 1949 Partizani 1-0 Tirana
- 1957 Partizani 2-0 Lokomotiva
- 1958 Partizani 4-0 Skenderbeu
- 1961 Partizani 1-1 1-0 Besa
- 1964 Partizani 3-0 Tomori
- 1966 Partizani 2-1 4-3 Vllaznia
- 1968 Partizani 4-1 Vllaznia
- 1970 Partizani 4-0 0-1 Vllaznia
- 1973 Partizani 1-0 Dinamo
- 1980 Partizani 1-1 1-0 Elbasani
- 1991 Partizani 1-1 4-3p Flamurtari
- 1993 Partizani 1-0 Albpetrol
- 1997 Partizani 2-2 4-3p Flamurtari
- 2004 Partizani 1-0 Dinamo
- Finalist (8 herë):
- 1950 Dinamo 2-1 Partizani
- 1951 Dinamo 3-2 Partizani
- 1953 Dinamo 2-0 Partizani
- 1954 Dinamo 2-1 Partizani
- 1974 Dinamo 1-0 Partizani
- 1985 Flamurtari 2-1 Partizani
- 1988 Flamurtari 1-0 Partizani
- 1989 Dinamo 0-0 3-1 Partizani
Superkupa
- 2004
- 2019
Kupa e Ballkanit
1970 Partizani 3-0 / 1-1 Beroe Stara Zagora
Gjithë ndeshjet në Europë
| Sezoni | Kupa | Round | Kundershtari | Brenda | Jashtë | Tot. |
| 1962–63 | Kampioneve | 1R | IFK Norrköping | 1–1 | 0–2 | 1–3 |
| 1963–64 | Kampioneve | 1R | Spartak Plovdiv | 1–0 | 1–3 | 2–3 |
| 1964–65 | Kampioneve | 1R | 1. FC Köln | 0–0 | 0–2 | 0–2 |
| 1968–69 | Kupave | 1R | Torino | 1–0 | 1–3 | 2–3 |
| 1970–71 | Kupave | QR | Åtvidabergs FF | 2–0 | 1–1 | 3–1 |
| 1970–71 | Kupave | 1R | Tirol Innsbruck | 1–2 | 2–3 | 3–5 |
| 1971–72 | Kampioneve | 1R | CSKA Sofia | 0–1 | 0–3 | 0–4 |
| 1979–80 | Kampioneve | 1R | Celtic | 1–0 | 1–4 | 2–4 |
| 1980–81 | Kupave | 1R | Malmö FF | 0–0 | 0–1 | 0–1 |
| 1981–82 | Kampioneve | 1R | Austria Wien | 1–0 | 1–3 | 2–3 |
| 1987–88 | Kampioneve | 1R | Benfica | – | 0–4 | 0–4 |
| 1990–91 | UEFA | 1R | Universitatea Craiova | 0–1 | 0–1 | 0–2 |
| 1991–92 | Kupave | 1R | Feyenoord | 0–0 | 0–1 | 0–1 |
| 1993–94 | Kampioneve | QR | IA Akranes | 0–0 | 0–3 | 0–3 |
| 1995–96 | UEFA | QR | Fenerbahçe | 0–4 | 0–2 | 0–6 |
| 2002–03 | UEFA | QR | Hapoel Tel Aviv | 1–4 | 0–1 | 1–5 |
| 2003 | Intertoto | 1R | Maccabi Netanya | 2–0 | 1–3 | 3–3 |
| 2003 | Intertoto | 2R | Dacia Chișinău | 0–3 | 0–2 | 0–5 |
| 2004-05 | UEFA | 1QR | Birkirkara | 4–2 | 1–2 | 5–4 |
| 2004-05 | UEFA | 2QR | Hapoel Bnei Sakhnin | 1–3 | 0–3 | 1–6 |
| 2006 | Intertoto | 1R | Ethnikos Achnas | 2–1 | 2–4 | 4–5 |
| 2008–09 | UEFA | 1QR | Široki Brijeg | 1–3 | 0–0 | 1–3 |
| 2015–16 | Europa | 1QR | Strømsgodset | 0–1 | 1–3 | 1–4 |
| 2016-17 | Europa | 1QR | Slovan Bratislava | 0–0 | ||
| 2016-17 | Kampioneve | 2QR | Ferencváros | 1–1 | 1–1 | 2–2 (3–1p) |
| 2016-17 | Kampioneve | 3QR | Red Bull Salzburg | 0–1 | 0–2 | 0–3 |
| 2016-17 | Europa | 3QR | FC Krasnodar | 0–0 | 0–4 | 0–4 |
| 2017–18 | Europa | 1QR | Botev Plovdiv | 1–3 | 0–1 | 1–4 |
| 2018–19 | Europa | 1QR | Maribor | 0−1 | 0–2 | 0–3 |
| 2019-20 | Kampioneve | 1QR | Qarabağ | 0–0 | 0–2 | 0–2 |
| 2019-20 | Kampioneve | 2QR | Sheriff Tiraspol | 0–1 | 1–1 | 1–2 |
| 2021-22 | Europa | 1QR | Sfântul Gheorghe | 5–2 | 3–2 | 8–4 |
| 2021-22 | Europa | 2QR | Basel | 0−2 | 0–3 | 0−5 |
Trajneret e Partizanit
