Pas një fitoreje ndaj Dinamos në mbyllje të fazës së tretë, dukej se Partizani do të ishte nje nga pretendentet kryesorë për Final 4 e pse jo dhe titullin. Por, ajo që pasoi ishte një “fikje” totale e motorëve të kuq, duke i zhytur “Demat” në një nga krizat më të thella dhe më të papritura të historisë së tyre të fundit.
Ja vlen te theksohet se Partizani e filloi sezonin ne nje forme shume te keqe dhe duhej ardhja e trajnerit Kernaja qe Partizani te nderronte fytyre. Por vrrulli u shua ne fazen efundit.
Një rekord negativ historik
Statistikat flasin qartë dhe dhimbshëm për tifozët e kuq. Për herë të parë që prej rikthimit në elitën e futbollit shqiptar, Partizani ka qëndruar për plot tetë javë radhazi pa shijuar shijen e fitores. Kjo ecuri negative thyen çdo rekord të mëparshëm të klubit në këto vite në Abissnet Superiore, duke treguar një rënie të pashpjegueshme të formës.
Shifrat që “dogjën” sezonin
Faza e katërt ka qenë një makth i vërtetë për Partizanin. Ndërsa skuadrat e tjera luftonin për çdo pikë, kryeqytetasit u dorëzuan pothuajse pa kushte.
- Pikët: Vetëm 3 pikë të grumbulluara në të gjithë fazën e katërt.
- Mbrojtja: Ka lene shume per te deshiruar me 18 gola të pësuar.
- Sulmi: Një sterilitet shqetësues me vetëm 7 gola të shënuar.
Këto shifra e rendisin Partizanin si skuadrën me formën më të dobët në kampionat gjatë kësaj periudhe, duke lënë pas edhe ekipet që luftojnë për mbijetesë.
Dy muaj të errët
Fitorja e fundit ndaj Dinamos tashmë duket si një kujtim i largët, pasi kanë kaluar plot dy muaj që kur lojtarët e kuq festuan për herë të fundit tre pikët. Ajo që nisi si një rënie e lehtë në lojë, u shndërrua në një krizë identiteti të plotë.
Trajneri i ri Zhivanaj nuk ka zjell asnjë risi pasi e ka nisur me dy humbje.