Bekim Rexhepi u shpreh i lumtur pas ndeshjes ndaj Teutës ku skuadra e Partizanit fitoi titullin kampion.

“Kritikat e kam thënë që të bëjnë më të fortë dhe varet kush i përballon brenda dhe jashtë klubit. E kam pasur të vështirë por durimi, puna dhe përkrahja e klubit e familjes më kanë ndihmuar dhe nuk ia dilja pa ata.

Jam shumë i lumtur sepse sezoni nuk filloi mirë për mua por është një ëndërr që nuk e realizon as në gjumë. Është dita më e lumtur e jetës time.

Pritja për kornizë? Mendoj se do të zgjidhja këtë të Kastriotit në ndeshjen e fundit. Nuk e mbaj mend emrin e lojtarit, por ishte më e mira. Por, edhe penalltia në derbi.

Urimi i parë? Ishte nga familja. Ata nuk janë këtu por në Zvicër dhe i përshëndes. Do të doja të ishin këtu por janë gjëra familjare”, tha Rexhepi për “OVERSPORT”.

Marre nga: PANORAMASPORT.AL