Xhani kerkon te shlyeje rrogat, pastaj te nise stervitja
Postuar nga Eni ne 12.07.2010 14:12

---

Partizani i sezonit të ri duhet të presë ende, pasi akoma nuk dihet me ekzaktësi se kur do të nisin përgatitjet në terren. Para disa ditësh, presidenti Albert Xhani, për “Sportin shqiptar”, atë që po ndodh me atë e përkufizoi me shprehjen: “ngjallet i vdekuri”. Në këtë prononcim Albert Xhani do të pohonte se grumbullimi i parë i Partizanit pritet të ndodhë më 10 korrik dhe pas datës 15 të këtij muaji, të kuqtë do të transferoheshin në Greqi për të kryer një fazë përgatitore trijavore.

Sipas këtij projekti të presidentit Xhani, i bie që sot të marrë rrugë Partizani i sezonit 2010-2011, por me shumë gjasa kjo gjë nuk do të ndodhë sot, mbase të hënën. Aksionari numër një i të kuqve për momentin ndodhet në Greqi, ku po merret me disa punë të tij personale, nga të cilat pritet të burojnë edhe financat e Partizanit të sezonit të ri.

---

Lajmi i gjate

---

Partizani i sezonit të ri duhet të presë ende, pasi akoma nuk dihet me ekzaktësi se kur do të nisin përgatitjet në terren. Para disa ditësh, presidenti Albert Xhani, për “Sportin shqiptar”, atë që po ndodh me atë e përkufizoi me shprehjen: “ngjallet i vdekuri”. Në këtë prononcim Albert Xhani do të pohonte se grumbullimi i parë i Partizanit pritet të ndodhë më 10 korrik dhe pas datës 15 të këtij muaji, të kuqtë do të transferoheshin në Greqi për të kryer një fazë përgatitore trijavore.

Sipas këtij projekti të presidentit Xhani, i bie që sot të marrë rrugë Partizani i sezonit 2010-2011, por me shumë gjasa kjo gjë nuk do të ndodhë sot, mbase të hënën. Aksionari numër një i të kuqve për momentin ndodhet në Greqi, ku po merret me disa punë të tij personale, nga të cilat pritet të burojnë edhe financat e Partizanit të sezonit të ri.

Dihet që lojtarët që janë kontaktuar prej kohësh nga Xhani i kanë vënë një kush atij, që të vishen të kuq, ku më parë duhet të paguhen. Pra, pritet që këtë vit të ketë një panoramikë ndryshe nga sezonet e shkuara, pasi nuk do të ketë kontrata të firmosura, pa marrë në dorë një pjesë të mirë të shumës, që do të përfitojnë si lojtarë të Partizanit të edicionit 2010-2011.

Nga burime të ndryshme pranë drejtuesve, por edhe vetë lojtarëve është rënë dakord që përgatitjet për sezonin e ri të nisin në momentin që ata do të paguhen. Mësohet se ka qenë insistimi i vetë Xhanit që stërvitjet të mos nisin pa u paguar së pari lojtarët. Presidenti Albert Xhani, por edhe stafi i tij i afërt duken optimistë, pasi mendohet se kësaj radhe gjërat do të funksionojnë si duhet dhe shumë shpejt do të nisë puna në terren. Në adresë të lojtarëve të Partizanit të sezonit të kaluar kanë mbërritur oferta edhe nga ekipe të ndryshme. Por e përgjithëshmja është se edhe për disa ditë ata do të presin presidentin Albert Xhani, për të konkretizuar ato që kanë biseduar në javët e fundit. Nëse gjërat mbeten në këtë status edhe pas datës 15 korrik, atëherë durimi i “demave” pritet të soset dhe ata do ta kërkojnë fatin në vend tjetër. (Sporti Shqiptar)