Partizani është një dhe do vetëm financim
Postuar nga Eni ne 07.07.2010 15:06

---

Që pas përfundimit të sezonit të fundit, në kampin e kuq nisi një betejë mes dy aksionarëve të shoqërisë aksionare “Partizani”, Albert Xhani dhe Paro Laçi, të cilët kërkonin drejtimin e skuadrës në edicionin e ri. Mosmarrëveshjet mes palëve janë transferuar deri në zyrat e federatës, pasi të dy aksionarët, veç e veç, kanë kërkuar nga qeveria e futbollit të vendos se kujt i takon e drejta për të drejtuar Partizanin e sezonit të ri.

Megjithëse vendimi nuk është bërë publik dhe zyrtar, nga burime të ndryshme pranë federatës mësohet se Partizanin e sezonit 2010-2011 është e drejtë e aksionarit Albert Xhani që ta drejtojë. Për kërkesat e dy aksionarëve të kuq, drejtuesit e federatës i janë drejtuar një studioje ligjore për të marrë një këshillë se si duhet vepruar në këtë rast.

---

Lajmi i gjate

---

Që pas përfundimit të sezonit të fundit, në kampin e kuq nisi një betejë mes dy aksionarëve të shoqërisë aksionare “Partizani”, Albert Xhani dhe Paro Laçi, të cilët kërkonin drejtimin e skuadrës në edicionin e ri. Mosmarrëveshjet mes palëve janë transferuar deri në zyrat e federatës, pasi të dy aksionarët, veç e veç, kanë kërkuar nga qeveria e futbollit të vendos se kujt i takon e drejta për të drejtuar Partizanin e sezonit të ri.

Megjithëse vendimi nuk është bërë publik dhe zyrtar, nga burime të ndryshme pranë federatës mësohet se Partizanin e sezonit 2010-2011 është e drejtë e aksionarit Albert Xhani që ta drejtojë. Për kërkesat e dy aksionarëve të kuq, drejtuesit e federatës i janë drejtuar një studioje ligjore për të marrë një këshillë se si duhet vepruar në këtë rast.

Pas shqyrtimit të çështjes, mësohet se studioja ligjore i ka këshilluar organet kompetente të FSHF-së që në këtë rast duhet të zbatojnë ligjin dhe të drejtën për udhëheqje e ka ai që është i regjistruar në QKR (Qendra Kombëtare e Regjistrimit) si administrator i shoqërisë aksionare. Dihet që me lëvizjet e fundit që kanë ndodhur në mesin e muajit mars në shoqërinë aksionare “Partizani”, Albert Xhani është i regjistruar në QKR si administrator i përgjithshëm dhe president.

Ndonëse nuk është bërë publike, mësohet se drejtuesit e federatës do të marrin në konsideratë këshillën që i ka dhënë studioja ligjore e pajtuar për këtë çështje. Pra, përpos fjalëve, Partizani i sezonit 2010-2011 do të jetë një dhe me shumë gjasa do të administrohet nga aksionari Albert Xhani. Tani Partizani pret vetëm financime dhe nisjen e fazës përgatitore për sezonin e ri, ku qëllimi kryesor është rikthimi në kategorinë superiore.

Gjithsesi, në kuadrin e zërave të pakonfirmuar, flitet se Partizani mund t’i kthehet sërish administrimit nën tutelën e Ministrisë së Mbrojtjes. Por interesi i tifozëve të shumtë është që Partizani të ngrihet sa më shpejt dhe këtë vit të krijohet një ekip që të mos e diskutojë superligën. Për tifozët nuk ka rëndësi emri i pronarit, por lartësimi i emrit të Partizanit. (Sporti Shqiptar)