Këtë javë, ndoshta Partizani i shumëpritur
Postuar nga Eni ne 06.07.2010 13:35

---

Partizani mbetet në pritje të konfigurimit të grupit dhe fillimit të përgatitjeve të para në funksion të sezonit 2010-2011. Situata aktuale e “demave të kuq” mbetet mister, pasi plani i punës së Partizanit të ri ndodhet vetëm në letrat e drejtuesve. Gjithsesi, nga burime të afërta me stafin e emëruar nga presidenti Albert Xhani, mësohet se gjërat janë në rrugën e duhur, kështu që mbetet vetëm konkretizimi i tyre. Trajneri Neptun Bajko ka ambicie krijimin e një Partizani të madh, një Partizani ndryshe dhe më kualitativ se ai që kemi parë në dy edicionet e fundit.

---

Lajmi i gjate

---

Partizani mbetet në pritje të konfigurimit të grupit dhe fillimit të përgatitjeve të para në funksion të sezonit 2010-2011. Situata aktuale e “demave të kuq” mbetet mister, pasi plani i punës së Partizanit të ri ndodhet vetëm në letrat e drejtuesve. Gjithsesi, nga burime të afërta me stafin e emëruar nga presidenti Albert Xhani, mësohet se gjërat janë në rrugën e duhur, kështu që mbetet vetëm konkretizimi i tyre. Trajneri Neptun Bajko ka ambicie krijimin e një Partizani të madh, një Partizani ndryshe dhe më kualitativ se ai që kemi parë në dy edicionet e fundit.

Ish-trajneri i kombëtares i ka kërkuar presidentit Albert Xhani që duhen financa të sigurta dhe më të shumta se në dy vitet e fundit. Vetëm në këtë mënyrë mund të krijohet një Partizan serioz dhe konkurrues. Nga burime të afërta me presidentin Xhani mësohet se ai e ka siguruar financën për sezonin e ri. Mësohet se kjo garanci financiare është e nevojshme për një Partizan që mund të luftojë për të siguruar një biletë rikthimi në kategorinë superiore.

Nëse kjo gjë rezulton e vërtetë, pritet që të plotësohen edhe kushtet e futbollistëve, të cilët kanë kërkuar që, përpara se të firmosin, duan paradhënie. Por pavarësisht faktit se Partizani mund ta ketë të sigurt bazën financiare për sezonin e ri, mësohet se trajneri Bajko nuk është i kënaqur me kaq. Trajneri Bajko nuk është për ndërtimin e një Partizani dosido, që fatet e tij të mbeten në varësi të ecurisë së kundërshtarëve. Ish-trajneri i kombëtares shqiptare dëshiron një Partizan që të bëjë dallimin nga ekipet e tjera të kategorisë së parë, që të mos e diskutojë rikthimin në superligë.

Kjo ambicie e trajnerit Bajko kërkon më shumë investime nga drejtuesit e shoqërisë aksionare “Partizani”, pra e thënë ndryshe, duhet më shumë finanaca se ato që ka garantuar deri tani presidenti Albert Xhani. Gjithsesi, sipas drejtuesve të kuq, e rëndësishme është që puna për ndërtimin e Partizanit të ri është në rrugë të mbarë. Kjo javë pritet të sqarojë shumë gjëra në kampin e kuq dhe mendohet se do të jetë java e së vërtetës dhe do të shikohet qartë se çfarë Partizani do të krijohet në sezonin e ri futbollistik 2010-2011. (Sporti Shqiptar)